KOH PHI PHI

gester simmer wiiter greist uf koh phi phi..
acho und fast en schock gha..da hets praktisch nur touriste...gseht fast kei thais meh.
isch sehr komisch , will mir sust bis her nur wenigi touriste gseh hend im verhaeltniss.
da gats um sehn und gesehen werden. de strad ueberfuellt , eine meh am pose als de ander..... isch no witzig sich das gscheh azluege und sich drueber amuesiere.
am abig isch ei party nach de andere....mit soooo grotte schlechte musig...das choend ihr eu gar noed vorstelle.

janu mir nehmed wies chunt. werdet vo da no an maya beach gah ...( dete vo de film the beach dreht worde isch .)

MEIN GEBURI

22. jan . 7.45 ufstah...d erika het mich ueberrascht zum geburi mit eme trek.
wow bin mega platt gsi.
zerst 1 h elefante riite dur de tschungel..( super lustig gsi ) hend ganz grusigi schwarzi spinne mit gelbe puenkt gseh. brr...denn hets frischi fruecht geh und es chuels wasser ....so wiiter 1/2 stund fahrt richtig cave. dete simmer usgruestet worde mit lampene...und los z fuess dur de urwald ca 40 min. ufe und abe ...denn simmer scho schweiss gebadet bim hoeli igang acho...

los id hoeli go chletere ca 1 1/2 stund. ( gat no recht id bei )...ueber schluchte nur ufeme bambus brueggli und zwuesched inne hemmer muesse robbe dur en enge gang... laessig gsi ...astrengend aber super. ( danke numal ika ) sind am schluss chum meh z erkenne gsi vor luter dreck.. hi hi isch chli gemein gsi , will eini isch doch zu dick gsi, fuer d hoeli somit het sie wieder muesse umchere und retour mit em fuehrer. also so vill zue gno hani nonig. :-)

nach dem abentuer simmer retour zum strand...go party mache....de rest choend ihr eu ja denke. ...... :-)

so nachdem mir im simple life am katiang beach gsi sind ...hemmer das satt gha... alles ameise, spinne, gekos , kakerlake...ect. i eusem "badzimmer" zha. also simmer jetzt chli wiiter obe imene luxus bungalow direkt am meer mit ere richtige duschi und eme Wc zum sitze ....wunderschoen.
am sa. goemmer uf Koh phi phi wiiter...
also bis bald und danke eu allne fuer die liebe geburi mails...han u freud gha. :-)

INSEL KOH LANTA

SOO MIR SIND UF DE INSLE
direkt buecht vo krabi simmer voller vorfreud im foolmoon resort acho...was fuer en schock...zwar strand aber noed zum bade...da isch eus wuerkli igfahre was de zunami so alles agrichted het...super schoeni aalag mir hend es bambushuettli gha und die schoenste sunsets.
also hemmer mal wiiter glueged meh im suede vo de insle und jetzt simmer im simple life ( isch wuerkli simple) glandet.isch aber sehr guenstig und 2 min . zum strand.

super schoen da und mir sind am meer . juhuii ...d sunne isch total starch , also nuet mit de ganzi tag am beach henge. erst ab de 2. beachparties sind au sehr empfehlenswert. :-)

huet hemmer en roller gmieted und hend welle go d insle erkunde...he he so simmer los und nach oeppe 20 min. fahrt id natur isch eus doch tatsechlich d benzin usgange , will mir natuerli noed glueged hend ob de tank voll isch, mir hend agnoh , wenn mer en roller mieted , denn isch de tank sicher voll. nei nei natuerli noed...tja ich als gekonnte toeffli fahreri han no de schalter fuer d reserve gfunde und so simmer doch no bis zum nechste huettli cho. guet simmer 2 fraue und die manne dete hend eus benzin bsorgt. super lieb.

also same same but different.....

ZUG NACH BKK / 1.NACHT /ZUG NACH KRABI

so mir sind in zwuesche in Krabi glandet. sind mit em zug 15 h nach bKK greist und hend dete 1.nacht uebernachted. hui sind die luet dete crazy , guet mir hend au nur KAOHSANROAD gseh, will euses hotel D AND D INN (danke maege) grad dete gsi isch. zum glueck hend mir en pool uf em dach vom hotel gha , sust wer das noed uszhalte gsi...so vill luet und so heiss und stickig. also mit em drang nach em meer sind mir grad wiiter mit em zug numal 12 h wiiter. Tja us dene 12 h sind doch meh worde , da euse zug entgleist isch..kei wunder bi dem fahrstiel , also hend mir muesse 3 stund warte bis die crew d waege wieder uf d schiene bracht hend. eus isch nuet passiert ( kei panik mami ). so also nach no buss fahre sind mir bald nach 20 h in krabi acho.

ole und scho ide noechi vom meer , isch zwar au e stadt aber e chlini. so sind mir s erste mal nach wiitere 30 min bus fahrt am meer glege....wow super gsi.
mir hend au scho diversi bekanntschafte gmacht wo immer en grosse unterhaltigswert gha hend. :-)
so ab morn simmer REIF FUER DIE INSEL hend s boot buecht und goend uf KO LANTA. freued eus so richtig mal direkt am strand, relaxe und mir werdet dete min geburi fiire...juhuii.

also mal luege obs dete internet het und sust bis bald mal.
kuessli us em summer

tschungel

GO DOWN TO THE RIVER, AND BE HAPPY ( gell coco:-) )

8.30 a.m abfahrt , Nach 1 12 stund horrorfahrt , will euse truk so rostig gsi isch, dass 2 mal d ladechlappe ufgspickt isch und mir fast usegheit wered, simmer im wunderschoene Tschungelcamp acho, herrlich, bambushuettene und iheimischi luet. weg vom stadtrummel und frischi reini luft. D Voegel vo pfiffed ect.
mir sind nach 20min. abgholt worde, da mir die einzige gsi sind wo sind de ganzi tag go riverrafte.
nach witere 20 min. schuettelfahrt dur de tschungel , acho im nechste bambushuetli, wo mir super fein bechocht worde sind vo de iheimische fraue. path thai glaub. riis mit gmues und Ei . dezue e undefinierbari supper und frischi fruecht.
denn isches losgange .... mir zwei girls und 3 thais usgruested mit helm und schwimmweste, no die letschte awisige und ab is wasser.
That was en atventure ( he mis englisch isch nonig vill besser , so vo wege schriibfehler , hi hi)
Das isch chli meh action als bi eus ide schwiiz. da hets vill meh wasserfell und stromschwellene.
sind mal imene fels stecke blibe und euses boot wer fast vertrunke. uj die 3 thais hend agfange nervoes underenand rede und hektisch reagiere. hend nuet verstande , da euses thai nonig so guet isch. hend das gli wieder im griff gha.
leider isch das abendtuer nach 3 stund uf em fluss dur de tschungel, verbii gsi. Uf de fahrt hi und retour sind eus elefante, ochse, voegel , huener und vorallem huend begegnet.
super geile tag gsi.

am fritig 12. jan. hemmer de zug buecht und wedet uf bkk wiiter reise. bis dahin .
sawatti kah.... (kei ahnig wie schriibe)

FLUG UND ANKUNFT IN CHIANG MAI

Juhuuu
so uj isch en mega flug gsi. bin fast vergizled. und endlich acho in BKK haemmer doch prompt de falschi schalter verwuetscht und d Erika haet scho en falsche stempel im pass, hi hi hi
naja sie haend eus denn doch numal zrugg gschickt und mir haend de flueger uf chiang mai verwuetscht.

In Chiang mai es meega geils hotel bi de akunft.. voll de Luxus gsi. Mir haend immer no kein schlaf takt. naja sind gester mal los go guesthaus sueche, will mir huet haend muesse us checke, 3 stund in chiang mai ume giirt. nach es paar singa bier haet eus das halb so schlimm dunkt will mir sind zmizt im Nachtmert glandet. So simmer huet numal mit reisefuerer los. ( vill besseri Jdee gsi :-) ) so haemmer also e unterkunft mit duschi direkt im Wc ine und mega herte matrazze gfunde defuer haend cooli treks mit elefante riite und riverraefte...juhuii,,, irgendwenn machemer das au no.
isch super da. voll andersch und alli Luet haend soo respaekt und sind super fruendlich.

bis gli mal wieder .....
dicke Schmatz

also mir goend jetzt no an night market und loends eus guet gah.

NOCH 1 MAL SCHLAFEN!

Hiu ..meine Lieben ,
Endlich gepackt,. das Adrenalin steigt und nur noch 1. mal Schlafen dann bin ich im Flugzeug ( HILFE) ....
Also ihr werdet das nächste mal von mir lesen wenn ich unterwegs bin....yepee.