so mini liebe.mir hend eus scho chli iglebt da. isch ganz herzig. halt meh touristisch und alles isch chli uf familie ect. aber es het e bar mit live bands wo mer ganz lustigi luet trifft. so hend mir halt eus en unterwasserfilm vomene tauchlehrer aglueged, wenn mir das scho noed mached. wunderschoen. s hett da au haie und risigi mantas....wow.
so eus beschlicht meh s gfuehl vom ade letschte station z sii vo eusere reis. hmm irgendwie kommisch... wenn noed chasch wiiter reise, wenn lust hesch. aber au schoen , s gfuehl vo wieder choene hei z cho und e warmi duschi und es normals wc zgnuesse.
( danke thoemme fuer din sehr interessante kommentar. han denkt kennsch mi besser :-) )
Abonnieren
Kommentare zum Post (Atom)
3 Kommentare:
Hey Bunny...
Scho widr biz klarer bi Sinne wagi nomol en comment hüt ;-)
Um melancholisch z werde isches doch no vil zfrieh - schliesslig gohts no es Ziitli (vo mir us gseh chönnt d Ziit au chli langsamer vrgo - denn heti meh zum füre GMAT lerne)! ;-)
So i wünsch euch e gueti Live Band hüt obig und gniesset no bizeli d Sunne und Wärmi (bi uns pissts bi lausige 6 Grad).
e verkaterete Gruess
din Thoemmmess
(bidde gerngscheh - i unterstütz die Grücht doch gern ;-)
Ja,zerscht isches für eu, und nat. no meh für eus dihei,es Supergfühl gsi, z wüsse, dass diä Eggpünkt buechet sind. Chan aber sehr guet verstah, dass ihr eu jetz echli iigeängt vorchömet, so lang sinder di ganz Zyt niä am gliche Ort blibe..doch gwöhnet eu ruhig wieder chli anes konstanters Läbe... und gnüüssets!! Küssli
Ciao Bella,
ja au ich g'höre zu denä heimliche läser wo doch nie zruggschriibe.
..und doch hät mich hüt d'schriib-Musse küsst und so brünzli au mal na was vo mir :-)
jaja, d'fasnachtsziit isch da ja au scho wieder verbii. Das mal nöd halb so verkateret wie anderi jahr...!? es paar luschtigi gschtalte händ aber scho gfählt :-)
mir händ ja da au scho baaaald tropischi verhältnis erreicht und so isches au kurzstreckewiis nahzvollzieh wie's bi eui so isch. ...wenigschtens im traum!
hoffe ich chan na einiges vo Eui läse und ich stürz mich wieder ad arbet...die wartet leider immer nanig! freu mi uf Dini Rückkehr... zur Ziit muesi de kafi am mitwuch ja immer elei trinke:-(
Gruzz & Kuss
Kommentar veröffentlichen